ການລະເມີດຄວາມເປັນສ່ວນຕົວ

ເນື້ອໃນການແບ່ງປັນຂໍ້ມູນທີ່ສາມາດລະບຸຕົວຕົນສ່ວນບຸກຄົນໄດ້ (ຂໍ້ມູນທີ່ລະບຸຕົວຕົນສະເພາະບຸກຄົນ) ຂອງໂພສເຕີ ຫຼື ອື່ນໆ. ສິ່ງນີ້ປະກອບມີ:

ໝາຍເລກປະຈຳຕົວແຫ່ງຊາດ ເຊັ່ນ: ໝາຍເລກປະກັນສັງຄົມ (SSN), ໝາຍເລກໜັງສືຜ່ານແດນ ຫຼື ໝາຍເລກປະຈຳຕົວຜູ້ເສຍພາສີ (ITIN).
ບັດປະຈຳຕົວທີ່ລັດຖະບານອອກໃຫ້ຂອງຜູ້ບັງຄັບໃຊ້ກົດໝາຍ, ທະຫານ ຫຼື ເຈົ້າໜ້າທີ່ຮັກສາຄວາມປອດໄພ.
ບັນທຶກ ຫຼື ເອກະສານທາງລັດຖະການຂອງຂໍ້ມູນການຂຶ້ນທະບຽນພົນລະເມືອງ ເຊັ່ນ: ເອກະສານ ການແຕ່ງດອງ, ການເກີດ, ການຕາຍ, ການປ່ຽນຊື່ ຫຼື ການຮັບຮູ້ເພດ
ເອກະສານສະຖານະຄົນເຂົ້າເມືອງ ແລະ ບ່ອນເຮັດວຽກ ເຊັ່ນ: ບັດຂຽວ, ໃບອະນຸຍາດເຮັດວຽກ ຫຼື ວີຊາ

ເນື້ອຫາທີ່ຖາມຫາຂໍ້ມູນທີ່ສາມາດລະບຸຕົວຕົນສ່ວນບຸກຄົນໄດ້ຂອງຄົນອື່ນ

ການແບ່ງປັນເນື້ອຫາຂໍ້ມູນຕິດຕໍ່ສ່ວນບຸກຄົນຂອງຜູ້ອື່ນ, ຍົກເວັ້ນກໍລະນີທີ່ບຸກຄົນເປີດເຜີຍຕໍ່ສາທາລະນະດ້ວຍຕົນເອງ ຫຼື ເມື່ອມີການແບ່ງປັນ ຫຼື ລະດົມທຶນເພື່ອສົ່ງເສີມການກຸສົນ, ອຳນວຍຄວາມສະດວກໃຫ້ແກ່ການຊອກຫາຄົນ, ສັດທີ່ສູນຫາຍ ຫຼື ເຈົ້າຂອງເຄື່ອງທີ່ສູນຫາຍ ຫຼື ຕິດຕໍ່ທຸລະກິດ ຫຼື ຜູ້ໃຫ້ບໍລິການ (ເວັ້ນເສຍແຕ່ກໍລະນີທີ່ເຫັນວ່າ ຂໍ້ມູນຕິດຕໍ່ສ່ວນບຸກຄົນນັ້ນຖືກແບ່ງປັນໂດຍບໍ່ໄດ້ຮັບການຍິນຍອມຈາກບຸກຄົນ).

ເນື້ອຫາທີ່ແບ່ງປັນທີ່ຢູ່ອາໄສສ່ວນຕົວຂອງຄົນອື່ນ, ລວມທັງ ຊື່ອາຄານ ຫຼື PIN ໃນແຜນທີ່ລະບຸທີ່ຢູ່ (ເຖິງແມ່ນວ່າຂໍ້ມູນຢູ່ໃນການເຊື່ອມຕໍ່ນອກເວທີ), ຍົກເວັ້ນໃນສະພາບການດັ່ງຕໍ່ໄປນີ້:

ການແບ່ງປັນເນື້ອຫາບາງສ່ວນທີ່ຢູ່ອາໄສສ່ວນຕົວຂອງຜູ້ອື່ນ (ຍົກເວັ້ນກໍລະນີທີ່ຢູ່ອາໄສດັ່ງກ່າວເປັນທີ່ຢູ່ອາໄສທາງລັດຖະການ ຫຼື ສະຖານທູດທີ່ຈັດໄວ້ໃຫ້ເຈົ້າໜ້າທີ່ລະດັບສູງຂອງລັດ):

ການຖາມຫາຂໍ້ມູນທີ່ພັກອາໄສສ່ວນຕົວຂອງຜູ້ອື່ນ (ຍົກເວັ້ນກໍລະນີທີ່ຢູ່ອາໄສດັ່ງກ່າວເປັນທີ່ຢູ່ອາໄສທາງລັດຖະການ ຫຼື ສະຖານທູດທີ່ຈັດໄວ້ໃຫ້ເຈົ້າໜ້າທີ່ລະດັບສູງຂອງລັດ)

ເນື້ອຫາທີ່ຖາມຫາທີ່ຕັ້ງຂອງບ່ອນຫຼົບໄພ ຫຼື ການເປີດເຜີຍຂໍ້ມູນກ່ຽວກັບບ່ອນຫຼົບໄພໂດຍການແບ່ງປັນຂໍ້ມູນຕ່າງໆຢູ່ດ້ານລຸ່ມ (ຍົກເວັ້ນກໍລະນີທີ່ບ່ອນຫຼົບໄພມີການປະຊາສຳພັນຂໍ້ມູນກ່ຽວກັບບ່ອນພັກຂອງພວກເຂົາເປັນປະຈຳຢູ່ແລ້ວ)

ເນື້ອຫາທີ່ແບ່ງປັນ ຫຼື ຖາມຫາຂໍ້ມູນທາງການແພດ, ຈິດຕະວິທະຍາ, ຊີວະມິຕິ ຫຼື ກຳມະພັນຂອງຜູ້ອື່ນ (ເຊິ່ງລວມເຖິງການສະແດງເປັນພາບ ຫຼື ແບ່ງປັນຜ່ານສຽງ ຫຼື ວິດີໂອ) ເມື່ອເຫັນໄດ້ຢ່າງຊັດເຈນວ່າ ຂໍ້ມູນດັ່ງກ່າວມາຈາກບັນທຶກທາງການແພດ ຫຼື ເອກະສານທາງການອື່ນໆ.

ການແບ່ງປັນເນື້ອຫາ ຫຼື ການຮ້ອງຂໍຂໍ້ມູນທາງດ້ານການເງິນສ່ວນຕົວກ່ຽວກັບໂພສເຕີ ຫຼື ອື່ນໆ, ກໍານົດເປັນຂໍ້ມູນກ່ຽວກັບການເງິນສ່ວນບຸກຄົນຂອງບຸກຄົນ ລວມທັງ:

ບັນທຶກທາງການເງິນ ຫຼື ໃບແຈ້ງຍອດທີ່ບໍ່ເປີດເຜີຍຕໍ່ສາທາລະນະ.
ໝາຍເລກບັນຊີທະນາຄານພ້ອມລະຫັດຄວາມປອດໄພ ຫຼື PIN.
ຂໍ້ມູນວິທີການຈ່າຍເງິນດິຈິຕອນພ້ອມລາຍລະອຽດການເຂົ້າສູ່ລະບົບ, ລະຫັດຄວາມປອດໄພ ຫຼື PIN.
ຂໍ້ມູນບັດເຄຣດິດ ຫຼື ເດບິດພ້ອມວັນທີໝົດອາຍຸ ຫຼື ລະຫັດຄວາມປອດໄພ ຫຼື PIN.

ການແບ່ງປັນເນື້ອຫາ ຫຼື ການຮ້ອງຂໍຂໍ້ມູນທາງດ້ານການເງິນທີ່ບໍ່ແມ່ນສາທາລະນະຂອງທຸລະກິດ ຫຼື ອົງການຈັດຕັ້ງ, ກໍານົດເປັນຂໍ້ມູນກ່ຽວກັບທຸລະກິດ ຫຼື ການເງິນຂອງອົງກອນ, ຍົກເວັ້ນກໍລະນີທີ່ອົງການຈັດຕັ້ງດັ່ງກ່າວເປັນຜູ້ແບ່ງປັນດ້ວຍຕົນເອງໃນເບື້ອງຕົ້ນ (ເຊິ່ງລວມເຖິງການແບ່ງປັນໃນພາຍຫຼັງໂດຍມີບໍລິບົດເດີມຢ່າງຄົບຖ້ວນ) ຫຼື ແບ່ງປັນຕາມຂໍ້ກຳນົດການລາຍງານສາທາລະນະ (ຕົວຢ່າງ: ຕາມການກຳນົດຂອງຕະຫຼາດຫຼັກຊັບ ຫຼື ໜ່ວຍງານຄຸ້ມຄອງ), ເຊິ່ງລວມເຖິງ:

ບັນທຶກ ຫຼື ເອກະສານລາຍງານທາງການເງິນທີ່ບໍ່ເປີດເຜີຍຕໍ່ສາທາລະນະ
ໝາຍເລກບັນຊີທະນາຄານພ້ອມກັບລະຫັດຄວາມປອດໄພ ຫຼື PIN.
ຂໍ້ມູນວິທີການຈ່າຍເງິນດິຈິຕອນພ້ອມກັບລາຍລະອຽດການເຂົ້າສູ່ລະບົບ, ລະຫັດຄວາມປອດໄພ ຫຼື PIN.

ເນື້ອຫາທີ່ອ້າງສິດ ຫຼື ຢືນຢັນວ່າມາຈາກແຫຼ່ງຂໍ້ມູນທີ່ຖືກແຮັກ, ບໍ່ວ່າບຸກຄົນທີ່ໄດ້ຮັບຜົນກະທົບຈະເປັນບຸກຄົນສາທາລະນະ ຫຼື ບຸກຄົນທົ່ວໄປກໍຕາມ.